ШЖҚ «№ 23 қалалық емхана» КМК ағымдағы жылдың 25-27 маусым аралығында Денсаулық сақтау саласындағы сапа жөніндегі аккредитация орталығы жүргізген кешенді бағалаудан сәтті өтіп, жоғарғы санатты иеленді!
Бұл мәртебе — біздің медициналық ұйымның көрсетілетін қызметтер сапасының жоғары деңгейде екенін, заманауи стандарттарға сай екенін және пациент қауіпсіздігін қамтамасыз ету бағытындағы тұрақты жұмысымыздың нәтижесі болып табылады.
Аккредитация — емхананың қызмет сапасына берілетін тәуелсіз және кәсіби баға. Бұл мәртебе халықтың сенімін арттыруға, әрі қарай медициналық көмекті жоғары деңгейде ұйымдастыруға мүмкіндік береді.
Біздің мақсатымыз — әрбір азаматқа сапалы, қауіпсіз және қолжетімді медициналық қызмет көрсету.
Бізге сенім артқандарыңыз үшін алғыс білдіреміз!
