Мамандандырылған көмек бөлімі
Тіркелген және аумақтық халыққа ТМККК шеңберінде, шарттық және ақылы негізде терапиялық бейіндегі тар бейінді мамандандырылған медициналық көмек көрсететін бөлім.
Бөлім меңгерушісі
Сағынбекова Салтанат Болатқызы
Мамандандырылған көмек бөлімінің меңгерушісі
Фотоны үлкейтіп көру42штат бірлігі
20дәрігер
20орта медицина персоналы
2кіші медицина персоналы
i
Бөлім туралы
Мамандандырылған медициналық көмектің құрылымдық бөлімшесі
Бөлім емхана құрылымындағы мамандандырылған медициналық көмек көрсететін бөлімше болып табылады. Бөлім басшысы лауазымына жоғары немесе бірінші біліктілік санаты бар дәрігер тағайындалады.
§
Нормативтік негіз
Бөлім қызметін реттейтін негізгі нормативтік құжаттар
- Қазақстан Республикасы Денсаулық сақтау министрінің міндетін атқарушының 2023 жылғы 30 наурыздағы №49 «Қазақстан Республикасында алғашқы медициналық-санитариялық көмекті ұйымдастыру стандартын бекіту туралы» бұйрығы.
- Қазақстан Республикасы Үкіметінің 2020 жылғы 16 қазандағы №672 «Тегін медициналық көмектің кепілдік берілген көлемінің тізбесін бекіту және Қазақстан Республикасы Үкіметінің кейбір шешімдерінің күші жойылды деп тану туралы» қаулысы.
- 2020 жылғы 7 шілдедегі №360-VI ҚРЗ «Халық денсаулығы және денсаулық сақтау жүйесі туралы» Қазақстан Республикасының Кодексі.
- Қазақстан Республикасы Президентінің 2015 жылғы 29 желтоқсандағы №153 Жарлығы.
- Қазақстан Республикасы Денсаулық сақтау министрінің 2020 жылғы 3 желтоқсандағы №ҚР ДСМ-230/2020 медициналық көрсетілетін қызметтердің сапасына ішкі және сыртқы сараптамаларды ұйымдастыру туралы бұйрығы.
#
Құрылымы және штат саны
Бөлімнің дәрігерлік және орта медициналық лауазымдары
Бөлімнің құрылымы мен штат санын директор айқындайды және бекітеді. Қызметкерлер арасындағы міндеттерді бөлім меңгерушісі бөледі.
Дәрігерлік лауазымдар
- бөлім меңгерушісі — 1,0;
- кәсіптік патолог — 0,25;
- кардиолог — 2,75;
- хирург — 2,25;
- оториноларинголог — 1,5;
- офтальмолог — 0,5;
- балалар офтальмологы — 0,5;
- невропатолог — 2,25;
- эндокринолог — 3,0;
- инфекционист — 1,5;
- уролог — 1,0;
- эпидемиолог — 1,25;
- маммолог — 0,25;
- онколог — 0,5;
- стоматолог — 2,0;
- дерматовенеролог — 1,0;
- гастроэнтеролог — 0,5.
Орта медицина персоналы
- аға мейіргер — 1,5;
- кардиолог мейіргері — 2,25;
- эпидемиолог көмекшісі — 0,5;
- инфекционист мейіргері — 1,5;
- эндокринолог мейіргері — 3,0;
- невропатолог мейіргері — 2,0;
- онколог мейіргері — 0,5;
- хирург мейіргерлері — 4,25;
- офтальмолог мейіргері — 1,25;
- балалар офтальмологы мейіргері — 1,5;
- оториноларинголог мейіргері — 1,0;
- уролог мейіргері — 1,0;
- стоматолог мейіргері — 1,5;
- дерматовенеролог мейіргері — 0,5;
- ОЗБ мейіргері — 1,25;
- емшара кабинеті мейіргері — 2,5.
+
Кабинеттер мен жабдықтар
Бөлім құрамындағы кабинеттер және негізгі медициналық техника
Бөлім құрамындағы кабинеттер
Бөлім меңгерушісі
Ересектер невропатологы
Ересектер эндокринологы
Балалар невропатологы
Дерматовенеролог
Уролог
Офтальмолог
Балалар офтальмологы
Хирург
Стоматолог
Эпидемиолог
Кардиолог
Оториноларинголог
Онколог
Маммолог
Инфекционист
Таза таңу бөлмесі
Іріңді таңу бөлмесі
Орталық зарарсыздандыру бөлімі
Емшара кабинеті
Негізгі жабдықтар
TRISMED электрокардиографы Отоскоп ЛОР-комбайн Медициналық электрондық таразы Бой өлшегіш «Ақылды» таразы Көру жітілігін өлшеу аппараты Саңылаулы шам Офтальмоскоп Көзішілік қысымды өлшеу тонометрі Ретиноскоп Периметр Синоптофор Бинокулярлық лупа АМО-АТОС «Амблиокор» Циклоскопия аппараты ЭКГ холтері Тәуліктік артериялық қысым мониторингі Панмед-1С «Арлан» хирургиялық шамы Автоклав Құрғақ ауа стерилизаторы ДЭ-25 аквадистилляторы
✓
Бөлімнің міндеттері
Мамандандырылған көмектің негізгі міндеттері
- Емханада және үйде халыққа жоғары білікті мамандандырылған консультациялық-диагностикалық және емдік көмек көрсету.
- Неврологиялық, гастроэнтерологиялық, кардиологиялық, дерматологиялық, эндокринологиялық, офтальмологиялық және стоматологиялық бейіндегі пациенттерге консультациялық көмек ұсыну.
- Пациенттерді бақылау және емдеу тактикасын айқындау, клиникалық көрсетілімдер болған кезде ауруханаға жатқызу.
- Емдеу-диагностикалық процестің жаңа тиімді нысандары мен әдістерін практикаға енгізу.
- Ұлттық аккредиттеу стандарттарының талаптарын орындау.
→
Негізгі функциялары
Күнделікті жұмыстың негізгі бағыттары
Тіркелген халыққа мамандандырылған медициналық көмек көрсету және диагностикалық зерттеулер жүргізу.
Аурулардың ерте және жасырын түрлері мен қауіп факторларын анықтауға бағытталған профилактикалық және скринингтік іс-шараларды өткізу.
Созылмалы аурулары бар адамдарды динамикалық бақылау.
Стационарға жолданатын пациенттерге кеңес беру және ауруханаға жатқызу көрсетілімдерін негіздеу.
Функциялары бұзылған, тіршілік әрекеті мен еңбекке қабілеті шектелген пациенттерге медициналық оңалту жүргізу.
Уақытша еңбекке жарамсыздық сараптамасын және еңбекке қабілетін тұрақты жоғалту белгілері бар адамдардың сараптамасын жүргізу.
Дәрігерлердің клиникалық құзыретін және орта, кіші медицина персоналының практикалық дағдыларын арттыру.
Еңбекті қорғау, қауіпсіздік техникасы, санитариялық-дезинфекциялық режим және инфекциялық бақылау талаптарын сақтау.
Бекітілген нысандарға сәйкес есепке алу және есептік құжаттаманы жүргізу.
Емхананың саясаты, мақсаттары мен ішкі регламенттік құжаттарын білу және бөлімшенің сапа мақсаттарын белгілеу.
Күнделікті жұмыста ұлттық аккредиттеу стандарттарын қолдану.
Емхананың ішкі регламенттік құжаттарын әзірлеуге және келісуге қатысу.
!
Басшының құқықтары мен жауапкершілігі
Бөлім меңгерушісінің өкілеттіктері мен жауапкершілік бағыттары
Басшының құқықтары
- материалдық-техникалық және медициналық-технологиялық базаны жетілдіру жөнінде ұсыныс енгізу;
- клиникалық диагностиканың жаңа әдістерін енгізу;
- қызметтер арасындағы сабақтастық пен кері байланысты жақсарту;
- қызметкерлерді көтермелеу немесе тәртіптік жауапкершілікке тарту жөнінде ұсыныс енгізу.
Басшының жауапкершілігі
- ресурстарды ұтымды пайдалану жөніндегі жоспарлы жұмыстардың орындалуы;
- қаржылық жоспардың орындалуы және өндірістік емес шығыстардың қысқаруы;
- қызметкерлердің кәсіби құзыретінің сапасы;
- инфекциялық және өрт қауіпсіздігі, еңбекті қорғау қағидаларының сақталуы және төтенше жағдайларға дайындық.
Басқа бөлімшелермен өзара іс-қимыл Бөлім емхананың басқа ұйымдық-функционалдық бөлімшелерімен жұмысын кәсіби жауапкершілік, әдеп, сабақтастық, кері байланыс және жұмыстың түпкі нәтижесіне ортақ жауапкершілік қағидаттары негізінде жүргізеді.
