Денсаулық сақтау саласындағы пациенттердің құқықтары мен міндеттері
Азаматтар мен пациенттердің негізгі құқықтары, балалардың құқықтары және медициналық көмек алу кезіндегі міндеттер.
⚖
Қазақстан Республикасы азаматтарының құқықтары
- тегін медициналық көмектің кепілдік берілген көлемін алуға;
- кепілдік берілген көлем шеңберінде дәрілік заттармен және медициналық бұйымдармен қамтамасыз етілуге;
- медициналық ұйымды еркін таңдауға, сапалы және уақтылы медициналық көмек алуға;
- кепілдік берілген көлемнен тыс қосымша медициналық қызметтерді өз қаражаты және заңмен тыйым салынбаған өзге көздер есебінен алуға;
- көрсетілімдер болған кезде бюджет қаражаты есебінен шетелде медициналық көмек алуға;
- дәрілік заттар мен медициналық бұйымдарды дұрыс тағайындамау немесе қолданбау салдарынан келтірілген зиянды өтетуге;
- еңбекке уақытша жарамсыздық фактісін куәландыруға;
- профилактика, диагностика, емдеу және оңалту туралы дұрыс ақпарат алуға;
- дәрілік заттардың қауіпсіздігі, тиімділігі және сапасы туралы ақпарат алуға;
- медицина және фармацевтика қызметкерлерінің әрекеттеріне немесе әрекетсіздігіне шағымдануға;
- мемлекеттік медициналық сараптама қорытындысымен келіспеген жағдайда тәуелсіз сарапшыларды тартуға;
- қайтыс болғаннан кейін тіндер мен ағзаларды донорлыққа алу мәселесі бойынша өз еркін ерікті түрде білдіруге.
❤
Пациенттердің құқықтары
- диагностика, емдеу және күтім кезінде лайықты әрі құрметті қарым-қатынасқа;
- кемсітусіз, медициналық өлшемшарттар бойынша медициналық көмек алуға;
- дәрігерді немесе медициналық ұйымды таңдауға және ауыстыруға;
- аудио және бейнебақылау мен жазба жүргізілетіні туралы хабардар болуға;
- отбасы, туыстары, достары және діни бірлестік қызметшілерінің қолдауына;
- медициналық технологиялар мүмкіндігі шегінде азапты жеңілдетуге;
- денсаулық жағдайы туралы тәуелсіз пікір алуға және консилиум өткізуге;
- құқықтары, міндеттері, қызметтер және ақылы қызметтердің құны туралы ақпарат алуға;
- денсаулық жағдайы, диагноз, болжам, емдеу жоспары, қауіптер мен баламалар туралы толық ақпарат алуға;
- тағайындалатын дәрілік зат туралы толық ақпарат алуға.
Маңызды: Медициналық көмек пациенттің ақпараттандырылған ерікті келісімі алынғаннан кейін көрсетіледі. Пациент өзінің денсаулық жағдайы туралы ақпарат хабарлануы тиіс адамды тағайындауға құқылы.
★
Балалардың құқықтары
- заманауи және тиімді денсаулық сақтау қызметтері мен емдеу құралдарын пайдалануға;
- денсаулықты қорғау саласында білім алуға;
- кепілдік берілген көлем шеңберінде медициналық тексерулерден өтуге, динамикалық бақылауға, емделуге және дәрі-дәрмекпен қамтамасыз етілуге;
- стационарлық ем кезінде заңнамада көзделген жағдайда күтуші адамның баланың жанында болуына;
- стационарлық және қалпына келтіру емі кезінде үздіксіз білім алуға;
- балалар стационарларында ойын, демалыс және тәрбие жұмысына қажетті жағдайларға.
✓
Азаматтар мен пациенттердің міндеттері
- өз денсаулығын сақтауға және нығайтуға қамқорлық жасау;
- заңнамаға сәйкес МӘМС жарналарын төлеу;
- медициналық ұйымның режимі мен ішкі тәртіп қағидаларын сақтау;
- көзделген жағдайларда профилактикалық медициналық тексерулерден өту;
- медицина қызметкерлерінің нұсқамаларын орындау;
- медицина қызметкерлерімен қарым-қатынаста құрмет пен әдептілік таныту;
- диагностика және емдеу үшін қажетті ақпаратты дәрігерге хабарлау және оның нұсқамаларын орындау;
- медициналық ұйымның мүлкіне ұқыпты қарау;
- денсаулық жағдайындағы өзгерістер мен айналадағыларға қауіпті аурулар туралы уақтылы хабарлау;
- басқа пациенттердің құқықтарын бұзбау.
Нормативтік негізҚазақстан Республикасының 2020 жылғы 7 шілдедегі № 360-VI ҚРЗ «Халық денсаулығы және денсаулық сақтау жүйесі туралы» Кодексі.
