Пациентке арналған бөлім

Көруді қорғау орталығы

Балалардағы көру қабілетінің бұзылыстарын ерте анықтау, алдын алу, диагностикалау және емдеу.

Бөлім меңгерушісі

Сагынбекова Салтанат Болатовна

Көруді қорғау орталығы бөлімінің меңгерушісі

Біздің міндетімізКөру қабілеті бұзылған адамдарға осы ғажайып әлемді жақсырақ көруге көмектесу.

Балалар офтальмологиясы

Бала қоршаған ортаны ең алдымен көру арқылы танып-біледі. Сондықтан балаңыздың көру қабілеті жақсы болып, ұзақ жылдар бойы сақталуы өте маңызды.

Бастапқы профилактика

Негізінен жалпы медициналық және санитариялық-гигиеналық сипаттағы алдын алу шараларын қамтиды.

Антенаталдық кезеңде (жүктілік кезінде): жүктіліктің екінші жартысындағы патогендік факторлар туа біткен катаракта, туа біткен глаукома, птоз, колобома, қылилық, увеит және көру жүйкесі атрофиясын туындатуы мүмкін.

Постнаталдық профилактика: бала туғаннан кейін бүкіл балалық шақ бойы көру қабілетінің бұзылыстары мен көз ауруларының алдын алу.

Екіншілік профилактика

Көз ауруы анықталған балалардың көру қабілетін қорғауға бағытталған шаралар жүйесі.

Балаларды жоспарлы тексеру мерзімдері

1 айОфтальмолог жаңа туған нәрестені алғаш рет тексеріп, көру ағзасының өрескел даму ақауларын анықтайды және туа біткен көз патологиясы бар баланы ерте диспансерлік есепке қояды.

1 жасРефракцияның түрі мен шамасы анықталып, миопияға немесе қылилыққа бейім балалар іріктеледі, қажет болса көзілдірік тағайындалады.

3 жасКөру қабілеті алғаш рет суреттер арқылы тексеріледі.

3, 6 және 7 жасМектепке дейінгі балалар ұйымдарындағы жоспарлы тексеру мерзімдері. Ұйымға бармайтын балалар осы мерзімдерде тұрғылықты жері бойынша емханада тексеріледі.

Мектеп медицина қызметкерлері барлық оқушының көру қабілетін жыл сайын мына жоспарлы жаста тексереді: 10, 11, 14, 15, 16 және 17 жас.

Балалар жасындағы көз патологиялары

Балаларда жиі кездесетін көз ауруларына алыстан көрмеушілік, жақыннан көрмеушілік, астигматизм, қылилық және амблиопия жатады. Тұқым қуалайтын факторлардың әсерінен туа біткен катаракта мен туа біткен глаукома сияқты ауытқулар дамуы мүмкін.

Диагностика және емдеу

Кезеңділік, үздіксіз мониторинг және инновациялық тәсіл қағидаларын сақтай отырып, пациенттерді уақтылы әрі сапалы диагностикалау, емдеу және бақылау арқылы офтальмологиялық денсаулықты жақсарту. Миопия, қылилық, астигматизм және амблиопия диагностикаланып, емделеді, соның ішінде бірегей әдістемелер бойынша аппараттық емдеу курстары өткізіледі.

Жабдықталуы

Кабинет Жапония мен Германияның жетекші өндірушілерінің соңғы буындағы заманауи офтальмологиялық техника кешенімен жабдықталған.

Кәсібилік

Білікті офтальмолог дәрігер әр пациентті диагностикалау мен емдеуде жеке тәсілді ұстанады.

Тиімділік

Емханада көру ағзасы ауруларын емдеудің жаңа тәсілдері тұрақты түрде әзірленіп, жетілдіріледі. Емдеу нәтижесіне риза пациенттер саны тұрақты өсіп келеді.